लहान, असार २८ –
जिल्लामा रसायनिक मलको अभाव रहेका बेला भारतबाट अवैध रुपमा ल्याएर लुकाई–छिपाई राखेको ३८ बोरा युरिया मल प्रहरीले बरामद गरेको छ ।
भारतीय सीमासँग जोडिएको सिरहाको बरियारपट्टी गाउँपालिका–३ स्थित जीवछ साहको घरमा गोदाम बनाएर बिक्री वितरणका लागि राखेको सूचनाका आधारमा प्रहरी टोलीले आज बिहान सो परिमाणको मल बरामद गरेको हो ।
बरियारपट्टी बजारस्थित साहको गोदामबाट मल बरामद भएको जिल्ला प्रहरी कार्यालयका प्रवक्ता प्रहरी नायब उपरीक्षक विनोद घिमिरेले जानकारी दिए । मल बरियारपट्टी भन्सार कार्यालयलाई बुझाइएको र गोदाम सञ्चालकमाथि राजश्व छली तथा कलाबजारी ऐनअनुसार करवाही गरिने उनले जानकारी दिए ।
यस्तै प्रहरीले भारतबाट अवैध रुपमा ल्याउँदै गरेको अवस्थामा १५३ पोका गुट्खा सहित सिरहा नगरपालिका–२० निवासी २० वर्षीय शिवकुमार यादवलाई पनि पक्राउ गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
प्रचण्ड–माधवको आग्रह निर्वाचन आयोगद्वारा अस्वीकार
२०७७ पुष २८ गते मङ्गलवार
बुद्धले दियो सय दिनमा ३ लाख ७५ हजार बढी यात्रुलाई हवाई सेवा
२०७७ पुष १४ गते मङ्गलवार
अशोक उत्कृष्ट निर्णायक घोषित
२०७७ पुष १७ गते शुक्रवार
चाकडीको कति मीठो हुन्छ चास्नी
२०७७ असोज २१ गते बुधवार