'
काठमाडौं, असार २९ –
पूर्वराजा ज्ञानेन्द्र शाहले देशभर भइरहेको प्राकृतिक प्रकोपमा परेर जनधनको क्षति भइरहेको प्रति दुःख व्यक्त गरेका छन् । उनले सोमबार एक ‘प्रेस नोट’ जारी गरी प्राकृतिक विपत्तिमा परेर ज्यान गुमाएका, घाइते भएका र घरबारविहिन भएको खबर सुनेर दुःख लागेको बताएका छन् । पूर्वराजा शाहले यो शोक, वियोग, व्यथा र वेदनाको स्थितिमा सबैलाई उद्धारमा जुट्न समेत आग्रह गरेका छन् ।
उनले भनेका छन्– ‘शोक, वियोग, ब्यथा र वेदनाको यो स्थितिमा सबैबाट सबैको राहत, उद्धार र उपचार होस् । विनाशको यो बेला पर्याप्त सहयोग, सुव्यवस्था तथा निगरानी पुगोस् भन्ने मेरो आग्रह छ ।’ उनले हाम्रोजस्तो पर्वतीय मुलुकमा बाढी, डुबान र भू–क्षयको जोखिम हरेक बर्ष हुने प्रकृया भएको बताउँदै त्यसको रोकथाम र सजगताको निम्ति समय मै पर्याप्त ध्यान दिन सके क्षति न्यूनिकरणमा योगदान पुग्ने समेत बताएका छन् ।
उनले प्रतिकूल मौसमी प्रकृतिका कारण उत्पन्न प्रकोप र पीडाबाट जनताले मुक्तिको सास फेर्न पाउन् भन्ने प्रार्थना समेत गरेका छन् । शाहले प्राकृतिक विपदको यो समयमा शोक सन्तप्त पीडित सबैमा समवेदना व्यक्त गर्दै घाईते सबैको शिघ्र स्वास्थ्यलाभको कामना गरेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
१० दिनको उपचारपछि राप्रपा अध्यक्ष थापा डिस्चार्ज
२०७७ कार्तिक ९ गते आइतवार
भ्रमण भिसामा यूएई नजान आग्रह
२०७७ फाल्गुन १ गते शनिवार
नेकपा सचिवालय बैठकः प्रचण्डलाई जवाफ दिँदै ओलीले ल्याए छुट्टै प्रस्ताव
२०७७ मङ्सिर १३ गते शनिवार
दार्चुला तुइन प्रकरणप्रति सभामुखको गम्भीर ध्यानाकर्षण
२०७८ साउन २६ गते मङ्गलवार