'
३ भदौ, काठमाडौं । राष्ट्रकवि माधवप्रसाद घिमिरेको निधनप्रति पूर्व राजा ज्ञानेन्द्र शाहले दुख व्यक्त गरेका छन् ।
राष्ट्रकवि घिमिरेको मंगलबार साँझ ५ बजेर ५५ मिनेटमा काठमाडौंको कपुरधारास्थित आफ्नै निवासमा निधन भएको थियो । उनको निधनप्रति पूर्वराजा ज्ञानेन्द्रले मंगलबार शोक वक्तव्य निकालेर दुःख व्यक्त गरेका हुन् ।
पूर्वराजा ज्ञानेन्द्रको तर्फबाट उनका संवाद सचिव डा. फणीराज पाठकले जारी गरेको वक्तव्यमा राष्ट्रकवि घिमिरेको निधनले नेपाली वाङमय र साहित्य क्षेत्रमा अपूरणीय क्षति भएको उल्लेख गरिएको छ । पूर्वराजा ज्ञानेन्द्रले दिवंगत आत्माको चीर शान्तिको कामना गर्दै शोक सन्तप्त परिवावारजनप्रति हार्दिक समवेदना प्रकट गरेका छन् ।
तत्कालीन राजा ज्ञानेन्द्रले २०६० असोजमा घिमिरेलाई ‘राष्ट्रकवि’को उपाधि प्रदान गरेर अभिनन्दन गरेका थिए । २०६० साल असोज ७ गते तत्कालीन प्रधानमन्त्री सूर्यबहादुर थापाले ‘छन्द शिरोमणि’को उपाधिबाट अभिनन्दन गरेको तीन दिनपछि उनलाई ‘राष्ट्रकवि’काे उपाधि दिइएकाे थियाे ।
वि. सं. १९७६ असोज ७ गते लमजुङको पुस्तन गाउँमा जन्मिएका घिमिरेको मंगलबार १०१ वर्षको उमेरमा निधन भएको हो । उनी लामोदेखि समय श्वासप्रश्वासमा समस्याबाट पीडित थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राउटे अगुवाद्वारा मुख्यमन्त्री शाहीसँग गुनासो: गाउँपालिकाले चार महिनासम्म भत्ता दिएन
२०७७ फाल्गुन १९ गते बुधवार
एक वर्षसम्म पनि मजदूरले पाएनन् ज्याला
२०७७ फाल्गुन १३ गते बिहिवार
रश्मि देशाईका हट तस्विर (फोटोफिचर)
२०७७ कार्तिक २७ गते बिहिवार
विद्युतीय अपराधप्रति सचेत हुन प्रहरीको अनुरोध
२०७७ मङ्सिर १७ गते बुधवार