'
१० भदौ, बुटवल । इलाका प्रहरी कार्यालय बुटवलमा राखिएका १३ जना थुनुवामा कोरोना संक्रमण पुष्टि भएको छ ।
विभिन्न अभियोगमा अनुसन्धानका लागि प्रहरी हिरासतमा रहेका १३ जनामा कोरोना संक्रमण पुष्टि भएको जिल्ला प्रहरी कार्यालय रुपन्देहीले पुष्टि गरेको छ । १३ जनामध्ये ५ जना बुधबार नै छुटेको रुपन्देही प्रहरीका प्रवक्ता डीएसपी खड्क बहादुर खत्रीले बताए ।
डिएसपी खत्रीका अनुसार थुनुवामा संक्रमण पुष्टि भए लगत्तै उनीहरुको सम्पर्कमा आएका प्रहरी तथा अन्य थुनुवालाई अलग गरिएको छ । थुनुवालाई स्थानीय तहसँग समन्वय गरी आइसोलेसनमा पठाइने छ भने सम्पर्कमा आएका प्रहरीहरुलाई क्वारेन्टिनमा पठाउने तयारी गरिएको छ ।
मंगलबार मुख्यमन्त्री शंकर पोखरेलका सुरक्षामा खटिएका ३ जना प्रहरीमा पनि संक्रमण देखिएको थियो । प्रदेश पाँचमा कोरोना संक्रमण समुदाय स्तरमै तीव्र रुपमा फैलिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
इजरायली सेनाको कारबाहीमा पाँच प्लालेस्टाइन नागरिकको मृत्यु
२०७८ असोज १० गते आइतवार
२३औँ राष्ट्रिय भूकम्प सुरक्षा दिवस मनाइँदै
२०७७ माघ २ गते शुक्रवार
कालीकोटमा दैलेखका तीन ठाउँबाट सडक जोडिँदै
२०७८ साउन २० गते बुधवार
सम्बन्ध सुधारका लागि प्रधानमन्त्रीको दूत बनेर कांग्रेसको एक टोली भारत जाँदै
२०७८ असोज २१ गते बिहिवार