'
१५ भदौ, रौतहट । रौतहटमा एक महिलाको शव फेला परेको छ । जिल्लाको गढीमाई नगरपालिका वडा नम्बर ३ मुसरिया गाउँको उखुबारीमा अन्दाजी ४० वर्षीया मिन्त्रा देवीको शव फेला परेको जिल्ला प्रहरी कार्यालय रौतहटले जनाएको छ ।
कुटपिट गरी सालले घाँटी कसेर हत्या गरिएको अवस्थामा मिन्त्री देवीको शव फेला परेको जिल्ला प्रहरी प्रवक्ता डिएसपी भरत श्रेष्ठले जानकारी दिए ।
घटना प्रकृति हेर्दा बलात्कारपछि हत्या भएको हुनसक्ने प्रहरीको आशंका रहेको डिएसपी श्रेष्ठले बताए । महिलाको हत्याको अनुसंधान गर्न आवश्यक जनशक्ति परिचालन गरिएकाले तत्कालै हत्याको कारण यकिनका साथ भन्न सकिने अवस्था भने नरहेको प्रवक्ता श्रेष्ठको भनाइ छ । हाल घटनास्थललाई सुरक्षित राखेर मुचुल्का उठाउने काम भइरहेको प्रवक्ता श्रेष्ठले बताए ।
रौतहटमा पछिल्लो १५ दिनमा ४ जनाको हत्या भएको छ । साउन ३१ गते गरुडा नगरपालिका ८ जिङ्गडियामा सच नर्सरीमा कार्यरत २० वर्षीय निरन्जन रामको घाँटी रेटेर हत्या भएको थियो । त्यस्तै भदौ ३ गतेका दिन राति करिब सवा नौ बजे हनुमान मन्दिरको पुजारी श्रीराम साहलाई हत्या भएको थियो ।
जिल्लाको माधव नारायण नगरपालिका वडा नम्बर २ खेसरहिया टोल निवासी ६५ वर्षिय पुजारी साहलाई अज्ञात समूहले खाना खादै गरेको अवस्थामा कन्चटमा गोली हानी हत्या गरेको थियो ।
त्यसैगरी निरन्जन रामको हत्याको आरोपमा पक्राउ १९ वर्षीय युवा विजय महराको प्रहरी हिरासतमा दिइएको चरम यातनाको कारण नेशनल मेडिकल कलेज वीरगंजमा उपचारको क्रममा ज्यान गएको थियो । यी घटना प्रहरीले सुल्झाउन नपाउँदै आज फेरि एक महिलाको शव फेला परेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दशैंको मुखमा महँगीको मार : दाल र तेलको मूल्य आकासियो
२०७७ असोज २६ गते सोमवार
दार्चुलामा एक सय मेगावाट विद्युत् उत्पादन हुँदै
२०७७ फाल्गुन २८ गते शुक्रवार
लक्ष्मी बैंकको ‘माई मोबाइल मनि’ भिडियो प्रतियोगिताको नतिजा घोषणा
२०७७ माघ २८ गते बुधवार
गण्डकीमा १४० सङ्क्रमित, चारको मृत्यु
२०७७ मङ्सिर ४ गते बिहिवार