१८ असोज, काठमाडौं । स्वास्थ्य समस्या भएका राष्ट्रिय खेलाडीलाई राष्ट्रिय खेलाडी कल्याणकारी कोषले आर्थिक सहयोग गरेको छ । कल्याणकारी कोषले राष्ट्रिय खेलाडी र पूर्वराष्ट्रिय खेलाडीलाई उपचार खर्च स्वरुप आर्थिक सहयोग गरेको हो ।
एथलेटिक्स, बास्केटबल, जुडो र कबड्डीका गरी चार जनालाई चार लाख रुपैयाँ सहयोग प्रदान गरेको कोषले जनाएको छ । कोषले एथलेटिक्सका पूर्व राष्ट्रिय खेलाडी रविनकुमार राईको परिवारलाई १ लाख रुपैयाँ प्रदान गरेको छ। क्यान्सर रोगबाट पीडित राईको गत साउन १९ गते निधन भएको थियो । उक्त रकम राईकी पत्नी मन्जु श्रेष्ठ राईलाई हस्तान्तरण गरिएको कोषले जनाएको छ ।
त्यस्तै, बास्केटबलकी सविता खड्कालाई एक लाख २५ हजार, जुडोका पूर्व खेलाडी पृथ्वी आलोकलाई १ लाख र कबड्डीकी मनीषा विष्टलाई ७५ हजार रुपैयाँ प्रदान गरिएको छ । सहयोग पाउने तीनै जनालाई घुँडाको समस्या छ ।
मनीषाको रकम नेपाल कबड्डी संघका प्रतिनिधिले मनीषालाई हस्तान्तरण गर्ने गरी बुझेका छन् । राष्ट्रिय खेलकुद परिषद् (राखेप) का सदस्य–सचिव एवं कोषका अध्यक्ष रमेशकुमार सिलवालले उनीहरुलाई सो रकम बराबरको चेक हस्तान्तरण गरेका हुन् ।
समस्यामा परेका खेलाडीलाई सहयोग गर्ने उद्देश्यले कल्याणकारी कोष २०६८ सालबाट स्थापना गरिएको नेपाल राष्ट्रिय तथा अन्तर्राष्ट्रिय खेलाडी संघका अध्यक्ष समेत रहेका कोषका सदस्य–सचिव दीपक श्रेष्ठले बताए ।
कोषमा जम्मा गरिएको रकमको व्याजबाट समस्यामा परेका खेलाडीलाई आर्थिक सहयोग गरिँदै आएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
गम्भीर संक्रमित संख्या घट्दै
२०७८ जेष्ठ २७ गते बिहिवार
कैलालीका एसपी राणासहित २२ जना प्रहरीमा कोरोना संक्रमण पुष्टि
२०७७ असोज २१ गते बुधवार
तुलसीपुर उपमहानगरपालिकाका प्रमुख प्रशासकीय अधिकृत पक्राउ
२०७७ साउन १७ गते शनिवार
जाजरकोटमा जंगली च्याउ खाँदा बालिकाको मृत्यु, ७ जना बिरामी
२०७७ साउन १२ गते सोमवार