'
३ पुस, टोकियो । जापानको राजधानी टोकियोमा एकैदिन अहिलेसम्मकै धेरै कोरोना सङ्क्रमित फेला परेका छन् । टोकियोको महानगर प्रशासनले बिहीबार एकैदिन ८२२ जना कोरोना भाइरसबाट सङ्क्रमित भएको जनाएको छ ।
सङ्क्रमितको सङ्ख्या अत्यधिक बढ्दै गएपछि स्वास्थ्य सेवा समेत अपर्याप्त भएको अधिकारीहरूले जनाएका छन् । टोकियोमा यसअघि गत बुधबार एकैदिन ६७८ जना सङ्क्रमित भएका थिए ।
टोकियोका गभर्नर युरिको कोइकेले जनताको जीवन जोगाउनका लागि आफुहरू सबै प्रकारका सतर्कता र प्रयासहरू गर्न लागिरहेको जानकारी दिएका छन् । एक करोड ४० लाख जनसङ्ख्या भएको राजधानीमा कोरोनाबाट सङ्क्रमितहरूको प्रभावकारी उपचार सेवाका लागि थप सामान्य शैयाहरूको स्थापना गरी सेवा दिन अस्पतालहरूलाई निर्देशन दिइएको उनले बताएका छन् ।
टोकियोमा बिहीबार बेलुकासम्म ४९ हजार ४९० जना सङ्क्रमित भएका छन् । सङ्क्रमितहरूको सङ्ख्या देशभरी नै बढिरहेको छ । देशभरी बिहीबार एकैदिन तीन हजार २११ जना नयाँ सङ्क्रमित थपिएका छन् ।
जापानमा अहिलेसम्म कुल एक लाख ९० हजार ९३५ जना सङ्क्रमित भएका छन् भने कोरोना लागेपछि मृत्यु भएकाहरूको सङ्ख्या दुई हजार ८०४ रहेको छ । एसियाली विकसित मुलुक जापानमा अहिले कोरोना भाइरसको महामारीको तेस्रो चरणमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सप्तरीमा करेन्ट लागेर महिलाको मृत्यु
२०७८ जेष्ठ २० गते बिहिवार
विद्युत् प्राधिकरण पोखरीया वितरण केन्द्रः ३८ करोड बक्यौता उठाउन बाँकी
२०७७ मङ्सिर २३ गते मङ्गलवार
हुम्लाको लिमीमा सकियो जनगणना
२०७८ मङ्सिर ७ गते मङ्गलवार
उहिले देउवालाई श्री ५ बाट न्याय भयो, यसपटक श्रीमान् ५ बाट- प्रदीप ज्ञवाली
२०७८ साउन ३ गते आइतवार