४ पुस, दाङ । टिकटक बनाउन झुलुङ्गे पुलमा झुण्डिएका एक युवा लडेर गम्भीर घाइते भएका छन् ।
दाङको तुलसीपुर उपमहानगरपालिका-१९ बिजौरीका २४ वर्षीय रमेश थापा बबई गाउँपालिका-५ पुरन्धारा झरना नजिकैको बबई नदीको झुलुङ्गे पुलबाट लडेर गम्भीर घाइते भएका हुन् ।
२०/२२ जना साथीहरुसँग उनी शनिबार दिउँसो बबई गाउँपालिका–५ पुरन्धारा झरना क्षेत्रमा घुम्न गएका थिए । सोही बेला झोलुंगे पुलमा टिकटक बनाउन खोज्दा पुलमा झुण्डिएका उनी त्यहाँबाट खस्दा घाईते भएको प्रहरीले जनाएको छ ।
गम्भीर घाइते थापालाई राप्ती प्रादेशिक अस्पताल तुलसीपुरको प्रारम्भीक उपचारपछि थप उपचारका लागि बाँकेको कोहलपुर मेडिकल कलेजमा रेफर गरिएको छ । घाइते थापालाई साँझ कोहलपुर रेफर गरिएको बताइएको छ ।
https://www.youtube.com/watch?v=Id-7iacUpCw&t=1s
प्रतिक्रिया दिनुहोस