'
२० पुस, काठमाडौं । संस्कृति, पर्यटन तथा नागरिक उड्डयन मन्त्री भानुभक्त ढकालले कमलादीस्थित नेपाल प्रज्ञा–प्रतिष्ठानको स्थलगत अवलोकन गरी प्रतिष्ठानको काम कारवाहीबारे जानकारी लिएका छन् । मन्त्री ढकाललाई प्रतिष्ठानका कुलपति गङ्गाप्रसाद उप्रेतीले संस्थाका गतिविधिबारे जानकारी गराएका थिए ।
प्रतिष्ठानका गतिविधि र योजनाको जानकारी लिएपछि संस्कृतिमन्त्री ढकालले प्राज्ञिक क्षेत्रको उन्नयनका लागि आफ्नो पूर्ण सहयोग रहने बताए । उनले भने, “प्रतिष्ठानबारे जानकारी लिएर पछि थप छलफल गरौँला, राम्रो गर्नुस् , राम्रो काम गर्नलाई म साथमा छु ।”
कुलपति उप्रेतीले कोभिड महामारीका कारण प्रतिष्ठानका महत्वपूर्ण कार्यक्रम अवरुद्ध भएको र आगामी दिनमा ती कार्यक्रमलाई अघि बढाइने बताए । ‘देवकोटा सङ्ग्रहालय’, अन्तरदेशीय शास्त्रीय अनुवाद कार्यक्रम तथा ‘अन्तरराष्ट्रिय नेपाली साहित्य सम्मेलन’ जस्ता कार्यक्रम योजनाबारे पनि उप्रेतीले मन्त्रीलाई अवगत गराएका थिए । नेपाली बृहत् शब्दकोषलाई पुनः मुद्रण गरी एक लाख ५० हजार शब्द कोषको बनाइँदैछ । अबको एक वर्षभित्र कार्य सकिने जनाइएको छ ।
कुलपतिले मुलुकको समग्र पहिचान झल्कने गरी सात वटै प्रदेशका ग्रन्थ लेखन अघि बढाइएको र प्रदेश नं २ को लेखन सकिएको बाँकी प्रदेशका लागि रु तीन करोड बजेट आवश्यक पर्ने भएकाले सहजीकरणका निम्ति संस्कृतिमन्त्रीसमक्ष आग्रह गर्नुभएको थियो । नेपाल चिनाउने मानकका रुपमा सातै प्रदेशका भूगोल, भाषासहित १० विषयमा ग्रन्थ लेखिनेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कर असुल गर्न पञ्चेबाजासहित टोलटोलमा काठमाडौं महानगर
२०७८ भाद्र ५ गते शनिवार
नेकपा नेता गौतमको नयाँ गीत ‘यो मुक्तभूमि हो, बुद्धभूमि’ सार्वजनिक
२०७७ भाद्र १२ गते शुक्रवार
एक वर्ष नपुग्दै कालोपत्रे उप्कियो, सडक भासियो
२०७७ असोज ३० गते शुक्रवार
बङ्गलादेशमा कोभिड-१९ सङ्क्रमितको सङ्ख्या चार लाख नजिक
२०७७ कार्तिक १० गते सोमवार