'
३१ वैशाख, काठमाडौं । नयाँदिल्लीको सरकारले कोरोनाभाइरसको संक्रमणबाट अभिभावक गुमाएका बालबालिकालाई नि:शुल्क पढाउने भएको छ । शुक्रबार मुख्यमन्त्री अरविन्द केजरीवालले कोरोनाको संक्रमणबाट अभिभावक गुमाएका बालबालिकालाई नि:शुल्क शिक्षा दिने बताएका हुन् । घरमा एकमात्र कमाउने व्यक्तिको मृत्यु भए परिवारलाई आर्थिक सहयोग गर्ने मुख्यमन्त्री केजरीवालले घोषणा गरेका छन् । विषेशगरी वृद्धवृद्धालाई आर्थिक सहयोग गर्ने केजरीवालको भनाइ छ ।
मुख्यमन्त्री केजरीवालले डिजिटल पत्रकार सम्मेलनमार्फत् कोरोनाभाइरसका दैनिक संक्रमित १० हजार भन्दा कम हुन थालेको बताएका छन् । अहिले साढे ८ हजारका दरले संक्रमित थपिने गरेको उनले बताए । उनका अनुसार पछिल्ला १० दिनमा दिल्लीका झन्डै तीन हजार कोभिड-१९ बेड खाली भएका छन् । तर आइसियू बेडहरू भने अझै पनि भरिएका छन् । उनले गम्भीर रहेका कोरोना संक्रमितको उपचारका लागि झन्डै १२ सय आइसियू बेड तयारी अवस्थामा रहेको बताए ।
‘पछिल्ला केही दिनमा अथक प्रयासका बाबजुद् पनि हामीले दिल्लीका धेरै मानिसलाई बचाउन सकेनौं । धेरैजसो परिवारमा एकभन्दा धेरैको मृत्यु भएको छ । मलाई थाहा छ, कयौं बच्चाहरूले आफ्ना दुबै अभिभावक गुमाएका छन् । म छु यहाँ, दिल्ली सरकारले शिक्षा र बसोबासको सबै खर्च व्यहोर्छ,’ उनले भने,’त्यहाँ कयौं वृद्धवृद्धाहरू पनि छन् जसले कमाइरहेका आफ्ना बच्चा गुमाए । चिन्ता नगर्नुस्, तपाईंको छोरा अझै जिवित छ । दिल्ली सरकारले सबै ती परिवारलाई आर्थिक सहयोग गर्नेछ जसका कमाउने एकमात्र सदस्य बिते ।’
उनले लकडाउनलाई अझै पनि लम्ब्याउने संकेत गरे । अहिले जारी लकडाउन आउँदो सोमबार बिहान ५ बजे सकिँदैछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेकपा कुनै पनि हालतमा फुट्दैनः मुख्यमन्त्री भट्ट
२०७७ मङ्सिर १६ गते मङ्गलवार
प्रदेश १ को मन्त्रिपरिषद विस्तार : एक बजे सपथ ग्रहण समारोह
२०७७ चैत्र १३ गते शुक्रवार
भारतबाट आएकालाई क्वारेन्टिन र आइसोलेशनमा नराखी सीधै घर पठाउँदा…
२०७८ बैशाख १८ गते शनिवार
अव गायनमा निता ढुंगाना
२०७७ साउन ३२ गते आइतवार