एनएमबि न्युज डेक्स,काठमाण्डौ ।
भाद्र–१८ सोमबार ।
नेकपा एमाले लुम्बिनी प्रदेशको अध्यक्षका लागि दुई जनाले उम्मेदवारी दर्ता गराएका छन् । जारी एमाले प्रथम लुम्बिनी अधिवेशनमा दुई जनाले उम्मेदवारी दर्ता गराएका हुन् ।
एमाले लुम्बिनी प्रदेशको नयाँ नेतृत्वका लागि अहिलेका अध्यक्ष राधाकृष्ण कँडेल र केन्द्रीय कमिटी सदस्य हरि रिजालले उम्मेदवारी दर्ता गराएका छन् । कँडेलको प्रस्तावकमा राजुप्रसाद श्रेष्ठ र समर्थकमा भोजराज पोखरेल छन् । यस्तै रिजालको प्रस्तावकमा विजयबिराज विष्ट र समर्थकमा बाला सिंह काउछा छन् ।
दुई पक्षबीच सर्वसहमतिका लागि लामो प्रयास भएपनि सहमति नभएपछि दुई जनाले अध्यक्षमा उम्मेदवारी दर्ता गराएका हुन् । एमाले लुम्बिनी प्रदेश विभाग प्रमुख डीआर घिमिरेले अध्यक्षमा दुई जनाको उम्मेदवारी दर्ता भएको जानकारी दिए । उनले निर्वाचन आयोगले भोलि सोमबार १० बजेसम्म मनोनयन गर्ने समय दिएकाले अरुको पनि उम्मेदवारी दर्ता हुनसक्ने बताए । सहमतिको विकल्प अझै नटुंगिएको दुवै नेताले बताएका छन् ।
कँडेल पार्टी उपाध्यक्ष विष्णु पौडेल निकट मानिन्छन् भने रिजाल महासचिव शंकर पोखरेल निकट मानिन्छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
फिलिपिन्समा बिहानै ५.४ म्याग्नेच्युडको भूकम्प
२०७७ कार्तिक १ गते शनिवार
लमजुङ मालपोतमा कर्मचारी अभाव, सेवा प्रवाहमा समस्या
२०७७ फाल्गुन २२ गते शनिवार
विभागले मनोमानी औषधिको मूल्य बढाएकोबारे छानबिन हुँदै
२०७८ कार्तिक २२ गते सोमवार
तुइन विस्थापन गर्दै प्रदेश सरकार
२०७७ कार्तिक १५ गते शनिवार