एनएमबि न्युज,काठमाण्डौ ।
कार्तिक–२०,सोमबार ।
श्रीमती हराएको भन्दै प्रहरीमा निवेदन दिएका एक युवक आफैँ हत्या अभियोगमा प्रहरीको फन्दामा परेका छन् ।
शंखरापुर नगरपालिका(१ का ३३ वर्षीय लालु विश्वकर्माले श्रीमती २८ वर्षीया गोपी कसैलाई नभनी हराएको भन्दै गत जेठ २३ गते प्रहरीमा निवेदन दिएका छन् । पछि असार १० गते प्रहरी प्रभाग साँखुसमक्ष हुलियासहित खोजतलासका लागि निवेदन दिएका थिए । पछि गोपीका भाइले गोपालले पनि असार १७ मा निवेदन दिएका थिए ।
हराएकी भनिएकी गोपीको खोजी गर्दै जाँदा साउन २९ बाट लालु सम्पर्कविहीन भएपछि उनको कल डिटेल हेर्दा भारत पुगेर पुनस् नेपाल छिरेको देखिएपछि प्रहरीको अनुसन्धान उनीतिर तेर्सिएको थियो । कात्तिक ५ गते लालुलाई गोकर्णेश्वर नगरपालिका(८ माकलबारीमा लुकेर बसेको सूचनाको आधारमा पक्राउ गरिएको प्रहरीले बताएको छ ।
सोधपुछको क्रममा लालुले जेठ १९ गते बिहान घरायसी विवाद हुँदा श्रीमतीको हत्या गरेको र भोलिपल्ट बिहानको राति दुई वटा बोरामा शव प्याक गरेर मोटरसाइकलमा जंगलमा लगेर गाडेको बयान दिएका थिए ।
शंखरापुरनजिकैको देउराली सामुदायिक वनमा गाडेको शव ५ फिट गहिरो खाडलमा सडेको अवस्थामा भेटिएको प्रहरीको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पेप्सीकोलामा बसको ठक्करबाट पैदलयात्रीको मृत्यु
२०७७ फाल्गुन १० गते सोमवार
चितवनमा कृषि सर्वेक्षण तथ्याङ्क सार्वजनिक
२०७७ असोज २६ गते सोमवार
चितवनमा हात्तीको आक्रमणबाट माहुतेको मृत्यु
२०७७ कार्तिक २२ गते शनिवार
अक्सिजन अभाव हुन नदिन गृह मन्त्रालयको सक्रियता
२०७८ बैशाख २४ गते शुक्रवार