एनएमबि न्युज डेक्स ,काठमाडौँ
मङ्सिर ४ सोमबार ।
काठमाण्डौ मा हरियो तरकारीको आपूर्ति बढेसँगै थोक बजारमा भाउ सस्तीएको छ । पछिल्लो डेढ हप्तामा रातो आलु, काउली, मुला, बन्दा, सागलगायतका मौसमी तरकारीको भाउ दोब्बरले सस्तिएको हो ।
खुद्रा पसलहरुमा भने तरकारीको भाउमा धेरै फरक नपरेको उपभोक्ताहरुको गुनासो रहेको छ । कालीमाटी फलफूल तथा तरकारी विकास समितिका अनुसार कात्तिकको तेस्रो हप्तासम्म प्रतिकिलो ९० रुपैयाँ थोकमा कारोबार भएको काउली अहिले घटेर २० रुपैयाँमा झरेको छ ।
रातो आलु प्रतिकिलो ९० रुपैयाँबाट घटेर ६० रुपैयाँमा झरेको छ । त्यस्तै, मुला, बन्दा, सागलगायतका तरकारीको भाउ सस्तिएको छ । कालीमाटीका थोक व्यापारी गीताप्रसाद आचार्यले पछिल्लो २०र२२ दिनको बीचमा मौसमी तरकारीको भाउ धेरै सस्तो भएको बताउनुभयो ।
कालीमाटी तरकारी बजार विकास समितिका प्रवक्ता विनय श्रेष्ठले तरकारीको आगमन पुरानो लयमा फर्किएसँगै भाउ सस्तिएको बताउनुभयो । समितिका अनुसार अहिले स्थानीय उत्पादन हुने भएकाले तरकारीको माग पनि कम हुने गरेको छ ।
बजारमा स्वदेशी उत्पादित तरकारी धेरै भएकाले भारतबाट हरिया तरकारी कम परिमाणमा आएको छ । अहिले आलु, प्याज गोलभेँडा कागतीलगायतका तरकारी भारतबाट आइरहेको छ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काँग्रेसले सुनिल थापालाई दियो १० हजार क्रियाशील सदस्य
२०७७ चैत्र २० गते शुक्रवार
वीर अस्पतालको नवनिर्मित सर्जिकल भवन उद्घाटन
२०७८ असार २७ गते आइतवार
ओलीलाई लिखित जवाफ दिने माधव नेपाल पक्षको निर्णय
२०७७ चैत्र ९ गते सोमवार
पोखराको पहिलो आकाशे पुल सञ्चालनमा
२०७८ साउन ११ गते सोमवार