एनएमबि न्युज डेक्स,काठमाडौँ
पुस ३,मंगलबार ।
भूकम्प प्रभावितका लागि अस्थायी आवास निर्माणमा उच्च प्राथमिकता दिएको सरकारले रु एक अर्ब रुपैयाँ निकासा गरेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार अर्थ मन्त्रालयबाट निकासा भएको सो रकममध्ये रु ९३ करोड सम्बन्धित जिल्लामा पठाइएको छ ।
गत कात्तिक २७ को मन्त्रिपरिषद्को निर्णयले रु १० अर्ब पठाउने निर्णय गरेको थियो । सोहीअन्तर्गत अर्थले रु एक अर्ब भूकम्प पीडितका लागि निकासा गरेको हो ।
प्राधिकरणका अनुसार निकासा भएको रकम जाजरकोटमा रु ५४ करोड, रुकुम पश्चिममा ३४ करोड र सल्यानमा पाँच करोड पठाइएको बताए । यसअघि प्राधिकरणले अस्थायी आवास निर्माणका लागि रु एक अर्ब ४१ करोड पठाइसकेको छ । यसबाट ती जिल्लामा अवास निर्माण जारी छ ।
पछिल्लो तथ्याङ्कअनुसार हालसम्म ६० हजार तीन सय ३७ लाभग्राही कायम भएका छन् । १५ हजार सम्झौता भएकामा पहिलो किस्ताबापत चार हजार तीन सय ६४ घर निर्माण भइसकेको छ । घर निर्माण र सम्झौता हुने क्रम दैनिक थपिरहेका जनाइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना सङ्क्रमणबाट जनस्वास्थ्य अधिकृतको निधन
२०७७ मङ्सिर ७ गते आइतवार
तनहुँमा जीप दुर्घटना हुँदा ९ जना घाइते
२०७८ साउन १९ गते मङ्गलवार
कोरोना महामारीबीच यसरी भयो टोकियो ओलम्पिकको उद्घाटन (तस्बिरमा हेर्नुहोस्)
२०७८ साउन ८ गते शुक्रवार
असोज १ देखि सहुलियत पसल, चिनीमा प्रतिकेजी पाँच रुपैयाँ छुट
२०७८ भाद्र २४ गते बिहिवार