मेसिन असफल हुँदा पनि डाक्टर सुरेखा चौधरीको प्रयासले नवजात शिशुलाई नयाँ जीवन

सरकारी अस्पतालमा जन्मिएका एक नवजात शिशुलाई डाक्टर सुरेखा चौधरीले अदम्य साहस र मानवीय सेवाभावका साथ नयाँ जीवन दिएकी छन् । जन्मिए लगत्तै सास फेर्न नसकेको शिशुको उपचारका क्रममा प्रयोगमा आएको मेसिनले काम नगरेपछि पनि डाक्टर चौधरीले हार नमानी लगातार करिब सात घण्टासम्म मुखबाट सास दिँदै शिशुको ज्यान जोगाएकी हुन् ।
अस्पताल स्रोतका अनुसार शिशु जन्मिएपछि गम्भिर श्वासप्रश्वास समस्या देखिएको थियो । आवश्यक उपकरणले अपेक्षित रुपमा काम नगर्दा शिशुको अवस्था झन् जटिल बनेको थियो । यस्तो कठिन अवस्थामा डाक्टर चौधरीले वैकल्पिक उपाय अपनाउँदै निरन्तर मानवीय प्रयास जारी राखिन् ।
लामो समयसम्म गरिएको उक्त प्रयासपछि शिशुले स्वभाविक रुपमा सास फेर्न थालेका र हाल अवस्था सुधारोन्मुख रहेको अस्पतालले जनाएको छ । सीमित स्रोत साधनका बीच पनि चिकित्सकको पेशागत जिम्मेवारी र सेवा भावले एक जीवन जोगीएको भन्दै अस्पताल, प्रशासन र स्थानीय समुदायले डाक्टर चौधरीको उच्च प्रशंसा गरेका छन् ।
यो घटनाले सरकारी स्वास्थ्य संस्थामा कार्यरत चिकित्सकहरुको समर्पण, मानवीयता र सेवाप्रतिको प्रतिबद्धतालाई उजागर गरेको छ । डाक्टर सुरेखा चौधरीको यो प्रयासलाई मानव जीवनप्रतिको सर्वोच्व सम्मानको रुपमा हेरिएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।

सिफारिस