समाचारहरु प्रायः अपराध, विवाद र असफलताले भरिएका हुन्छन् । तर कहिलेकाहीं यस्ता खबर पनि आउँछन्, जसले समाजमा आशा, विश्वास र मानवताको उज्यालो झल्को देखाउँछन् । सप्तरीका मजदुर विष्णु सदालाई जिल्ला प्रहरी कार्यालय सप्तरीले गरेको सहयोग त्यस्तै एउटा उदाहरण हो । दैनिक मजदुरी गरेर परिवार पाल्दै आएका सदाका लागि साइकल केवल सवारी साधन थिएन, त्यो उनको रोजीरोटी,समय र आत्मसम्मानसँग गाँसिएको साधन थियो । पटक—पटक बिग्रिने साइकलका कारण उनले भोग्नुपरेका समस्या राज्यका निकायसम्म पुग्नु र त्यसमा संवेदनशील ढंगले प्रतिक्रिया आउनु आफैमा प्रशंसनीय कुरा हो । प्रहरीलाई प्रायः कारबाही र नियन्त्रणको निकायका रुपमा मात्रै बुझ्ने गरिन्छ । तर सप्तरी प्रहरीले नयाँ साइकल र जाडो कपडा सहयोग गरेर “प्रहरी जनताको सेवक हो” भन्ने भावनालाई व्यवहारमै उतारेको छ । यसले सुरक्षा निकाय र नागरिक बिचको दुरी घटाउन मद्वत पुर्याउँछ ।
यस्ता साना देखिने तर प्रभावमा गहिरा कदमहरुले समाजमा सकारात्मक सोच विकास गर्छन् । राज्य संयन्त्र केवल नियम लागु गर्ने मात्र होइन, पीडामा परेका नागरिकको साहारा बन्न सक्छ भन्ने सन्देश यस घटनाले दिएको छ । मानवताले यही अनुहारलाई निरन्तर दिन सकियो भने समाज अझै भरोसा योग्य र संवेदनशील बन्नेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेपालमा थप १३ सय ४ जनामा कोरोना संक्रमण पुष्टि
२०७७ मङ्सिर १६ गते मङ्गलवार
दाङमा गोली लागेको अबस्था एक पुरुष फेला
२०७७ मङ्सिर ११ गते बिहिवार
भारतमा कोरोना भाइरस सङ्क्रमितको संख्या एक करोड एक लाख २३ हजार भन्दा बढी
२०७७ पुष ९ गते बिहिवार
माछापुच्छ्रे बैंक र अग्नि इन्कर्पोरेटेड बीच व्यवसायीक सम्झौता
२०७७ पुष १९ गते आइतवार