माइतीघर मण्डलामा मिराज ढुंगाना सहित युवाहरुले उठाएको स्वर कुनै एक व्यक्ति वा समूहको असन्तुष्टि मात्र होइन, आजको राजनीतिप्रति बढ्दो वितृष्णाको प्रतिविम्ब हो । “जेन्जीको माग चुनाव होइन, सुशासन हो” भन्ने नारा स्वयंमा गहिरो अर्थ बोकेको छ । यसले सत्ता परिवर्तन भन्दा पनि शासनको चरित्र परिवर्तन आवश्यक रहेको संकेत गर्छ ।
लोकतन्त्रको मूल आत्मा जनताको अभिव्यक्ति स्वतन्त्रतामा निहित हुन्छ । तर, सुशासनको माग गर्दै सडकमा उत्रिएका युवाहरुलाई नियन्त्रणमा लिनु राज्यको संवेदनशीलतामाथि प्रश्न उठाउने विषय हो । असन्तोषलाई दमन मार्फत दबाउने परम्परा दिर्घकालीन समाधान होइन, बरु संवाद र विश्वासको माध्यमबाट समाधान खोज्नु नै लोकतान्त्रिक बाटो हो ।
सर्वपक्षीय सरकारको माग व्यवहारिक बहसको विषय हुन सक्छ । तर, त्यो माग भन्दा पनि गम्भीर सन्देश युवाहरुको चेतावनी छ—राजनीति जनताबाट टाढिँदै गएको छ । बेरोजगारी, भ्रष्टचार, जवाफदेहिताको अभाव र नीतिगत अन्योलले युवापुस्तालाई निराश बनाएको यथार्थलाई अब बेवास्ता गर्न सक्दैन ।
यदि “जेनजी” ले चुनावभन्दा सुशासन खोजिरहेको छ भने त्यसको अर्थ स्पष्ट छ—मतदानपछि पनि जनताको जीवनमा परिवर्तन नआउदा लोकतन्त्रको विश्वास कमजोर बन्दै गएको छ । त्यसैले, आजको प्रदर्शनलाई कानुनी समस्याको रुपमा होइन, राजीनतिक चेतावनीका रुपमा बुझिनुपर्छ । समयमै सुशासनतर्फ गम्भीर पहल नगरे यस्ता स्वरहरु अझ तिव्रहुँदै जानेछन् । युवाको आवाजलाई सुन्नु राज्यको कमजोरी होइन ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेप्सेमा १४.५७ अङ्कको वृद्धि, चन्द्रागिरिको वृद्धि यात्रा रोकिएन
२०७७ चैत्र १० गते मङ्गलवार
कपिलवस्तुमा निषेधाज्ञा भदौ २२ गतेसम्म लम्बियो
२०७७ भाद्र १५ गते सोमवार
छठमा पूर्वयुवराज्ञी हिमानीको उपस्थितिमा जनकपुरदेखि विरगञ्जसम्म हेलिकप्टरबाट पुष्पवृष्टि गरिने
२०७८ कार्तिक २३ गते मङ्गलवार
कोभिडको जोखिमबीच विद्यालय खोलेको भन्दै बन्द गर्न निर्देशन
२०७८ साउन १९ गते मङ्गलवार