राजनीतिमा संकेतहरु सधैं शब्दमा व्यक्त हँुदैनन्, कतिपय अवस्थामा मौन भेटघाट र लामो संवादले नै ठूलो सन्देश दिन्छ । राष्ट्रिय स्वतन्त्र पार्टीका सभापति रवि लामिछाने र काठमाण्डौं महानगरपालिकाका मेयर बालेन शाहबीच लगातार दुइृ दिन भएको भेटवार्ता पनि त्यही श्रेणीमा पर्छ । सार्वजनिक रुपमा विवरण नखुले पनि, करिब छ घण्टासम्म चलेको वार्ता र अन्त्यमा एउटै गाडीमा बाहिरिनु आफैंमा अर्थपूर्ण संकेत हो ।
परम्परागत दलप्रति जनआक्रोस बढिरहेको बेला वैकल्पिक राजनीतिक शक्तिका रुपमा हेरिएका यी दुई पात्रको संवादले नयाँ राजनीतिक समीकरणको सम्भावना उजागर गरेको छ । फागुन २१ गतेको आमनिर्वाचनलाई केन्द्रमा राख्दै सहकार्यको चर्चा हुनु सामान्य विषय होइन । यसले मुलुकको नेतृत्व, शासनशैली र राजनीतिक संस्कृतिमा परिवर्तनको चाहाना बोकेको जनमतलाई पनि प्रतिबिम्बित गर्छ । तर, सम्भावनासँगै प्रश्नहरु पनि उभिन्छन् । सहकार्य केवल व्यक्तिकेन्द्रित महत्वाकांक्षामा सीमित हुन्छ कि । स्पष्ट राजनीतिक एजेन्डा, नीति र कार्यदिशासहित अघि बढ्छ ? जनताले खोजेको विकल्प अनुहारको परिवर्तन मात्र हो कि सोच, आचरण र प्रणालीको रुपान्तरण ? यी प्रश्नहरुको उत्तर अझै खुल्न बाँकी छ ।
राजनीतिमा आशा जगिनु सकारात्मक पक्ष हो, तर त्यो आशा स्पष्टता र जिम्मेवारीले मात्र दीगो बन्न सक्छ । लामो वार्ता र प्रतिकात्मक संकेतभन्दा पनि अब आवश्यक छ— खुला संवाद, स्पष्ट दृष्टिकोण र जनतासामु जवाफदेही प्रतिबद्धता । नयाँ राजीनति भनने दाबी सार्थक हुने कि नहुने भन्ने परिक्षा यतैबाट सुरु हुन्छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
याल्वाङमा समुदायस्तरमै फैलियो कोरोना सङ्क्रमण
२०७७ मङ्सिर ३ गते बुधवार
सुर्खेतमा कोरोना सङ्क्रमितको मृत्यु
२०७७ मङ्सिर २१ गते आइतवार
चिनियाँ कम्युनिष्ट पार्टी अन्तर्राष्ट्रिय विभागद्वारा डा भट्टराईको स्वास्थ्यलाभको कामना
२०७७ कार्तिक ११ गते मङ्गलवार
चार भाषामा रिलिज हुँदै ‘लप्पन छप्पन २’
२०७७ पुष २८ गते मङ्गलवार