विदेशमा बस्ने नेपालीले मोबाइलबाट सहजै पैसा पठाउन सक्ने, तर देशको शासन व्यवस्था निर्धारण गर्ने भोट भने पठाउन नसक्ने अवस्था आजको लोकतान्त्रिक अभ्यासको ठूलो विरोधाभास हो । यही यथार्थमाथि प्रश्न उठाउदै राप्रपाका अध्यक्ष राजेन्द्र लिङ्देनले विदेशमा रहेका नेपाली युवालाई मतदान अधिकार सुनिश्चित गर्न अध्यादेश ल्याउन सरकारसँग आग्रह गरेका छन् ।
आज प्रविधिले विश्वलाई एउटै गाउँमा सीमित गरिसकेको छ । बैंकिङ, सरकारी सेवा, कर भुक्तानीदेखि अन्तराष्ट्रिय कारोबारसम्म डिजिटल माध्यमबाट सम्भव भइरहेको बेला मतदान जस्तो मौलिक अधिकार अझै भौगोलिक सीमामा सीमित हुनु राज्यको सोचको सीमितता दर्शाउँछ । यसले विदेशमा श्रम र सीप बेचिरहेका लाखौँ नेपाली युवाहरुलाई राजनीति रुपमा आवाज विहिन बनाइरहेको छ ।
रेमिटयानमार्फत देशको अर्थतन्त्र धानिरहेका ती युवाको भूमिका केवल आर्थिक योगदानमा सीमित हुनु हुँदैन उनीहरुलाई राज्य सञ्चालनको निर्णय प्रक्रियामा सहभागी गराउनु नै समावेशी लोकतन्त्रको आधार हो । सुरक्षित, पारदर्शी र प्रविधिमैत्री प्रणाली विकास गरी विदेशबाटै मतदान गर्ने व्यवस्था लागु गर्न सकिने सम्भावना आज पर्याप्त छन्, प्रश्न इच्छाशक्ति र प्राथमिकताको हो ।
लोकतन्त्र केवल देशभित्र बस्नेहरुको मात्र अधिकार होइन । जहाँ जहाँ नेपाली छन्, त्यहाँ उनीहरुको मतको मूल्य पनि बराबर हुनुपर्छ । राजेन्द्र लिङदेनको यो आवाजलाई सरकारले केवल राजनीति टिप्पणीका रुपमा होइन, लोकतन्त्र सुधारको गम्भीर सुझावका रुपमा लिनु आजको आवश्यकता हो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हरेक महिना बरदानको ‘लास्ट थस्डे सेल’ हुने, विशेष छुट र आकर्षक उपहार पनि
२०७७ मङ्सिर २४ गते बुधवार
रुघाखोकी बढ्यो, कोरोना संक्रमण कि मौसमी भाइरल ?
२०७८ भाद्र १७ गते बिहिवार
माघको पहिलो हप्ताबाट काठमाडौंमा विद्यालय खोल्ने तयारी
२०७७ पुष २५ गते शनिवार
बाँकेमा ३ हप्तादेखि पानी परेन, खेतमै सुक्न थाले धान
२०७८ साउन २ गते शनिवार