उमेर सिकाइको सिमा रेखा होइन, चाहना र इच्छाशक्तिको परिक्षा मात्र हो—यो सन्देशलाई जीवनमा उर्तादै खोटाङका इन्द्रबहादुर थापाले नेपाली समाजलाई गहिरो सन्देश दिएका छन् । ६८ वर्षको उमेरमा त्रिभुवन विश्वविद्यालयको ५१औं दीक्षान्त समारोहबाट समाजशास्त्रमा स्नाकोत्तर उपाधि हासिल गर्नु केवल व्यक्तिगत उपलब्धि मात्र होइन, सम्पूर्ण समाजका लागि प्रेरणाको उज्यालो दिप हो । तीन दशकसम्म सरकारी सेवामा समर्पित रहँदै आफ्नो कर्तव्य इमान्दारीपूवर्क निभाएका थापाले पारिवारीक जिम्मेवारीलाई पनि उत्तिकै प्राथमिकताका साथ पूरा गरे । आफ्ना छोराछोरीलाई उच्च शिक्षाको बाटोमा अघि बढाउँदै कसैलाई उपसचिव, कसैलाई इन्जिनियर, अधिकृत, शिक्षक, सैनिक र विदेशमा उच्च शिक्षा हासिल गर्ने अवसर दिलाउनु आफंैमा एउटा सफल अभिभावकत्वको उदाहरण हो ।
सेवाबाट अवकासपछि विश्राम होइन, बरु अधुरो सपना पूरा गर्ने अठोट लिएर पुनः अध्यनमा फर्किनु उहाँको दूरदृष्टि र आत्मबलको प्रमाण हो उमेरले थकित बनाउने होइन, उदेश्यले उर्जा दिने हो भन्ने सन्देश उहाँको यात्राले स्पष्ट पार्छ ।
आज, जब धेरैले उमेरलाई बाहना बनाउँदै सपना त्याग्छन्, इन्द्रबहादुर थापाले भने सिकाइ र आत्मविकासको यात्रा कहिल्यै नरोकिने सत्यलाई व्यवहारमै उतारेका छन् । उहाँ केवल स्नाकोत्तर उपाधिधारी होइनन्, पुस्ता—पुस्तालाई प्रेरणा दिने जीवित पाठशाला हुनुहुन्छ ।
उमेर केवल संख्या हो, सपना धेरै जवान हुन्छन्—यो वाक्य अब नारा मात्र होइन, इन्द्रबहादुर थापाको जीवनकथा बनेको छ । यस गौरवपूर्ण उपलब्धिका लागि उहाँलाई हार्दिक बधाई । समाजलाई उज्यालो बाटो देखाएने यस्ता व्यक्तिहरु नै राष्ट्रका साँचो सम्पति हुन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
महामारीमा गोदरेजको भाइरोसिल्ड उपयुक्त रहेको दावी
२०७८ बैशाख २० गते सोमवार
सालका रूख सोत्तर गर्ने काम ठीक होइनः प्रधानमन्त्री ओली
२०७७ फाल्गुन १८ गते मङ्गलवार
चाडपर्वमा मोबाइलमार्फत फन्ड ट्रान्सफर निःशुल्क
२०७८ असोज २० गते बुधवार
अनुदानको खोप बढाइदिन भारतसँग आग्रह
२०७७ माघ २५ गते आइतवार