घरेलु हिंसाको ज्वलन्त चित्रः मौन समाज र कमजोर सुरक्षा संयन्त्र—
सुनसरीको दुहबी नगरपालिका —३ मा भएको अमानवीय घटनाले फेरि एकपटक हाम्रो समाजभित्र लुकेर बसेको घरेलु हिंसाको डरलाग्दो स्वरुप उजागर गरेको छ । सामान्य भनाभनबाट सुरु भएको भनिएको घरायसी विवाद अन्ततः आगोमा परिणत हुन केवल व्यक्तिगत क्रुरता मात्र होइन, सामाजिक चेतना र राज्य संयन्त्रको असफलताको प्रतिबिम्ब पनि हो ।
३३ वर्षीय मुस्तफा शेखले आफ्नै श्रीमती २८ वर्षीया खुम्बु खातुन माथि पेट्रोल छर्केर आगो लगाएको प्रारम्भिक अनुसन्धानले देखाएको छ । अहिले उनी जीवन मृत्युको दोसाँधमा अस्पतालको शैयामा संघर्ष गरिरहेकी छिन् । यो केवल एक परिवारको पिडा होइन, सम्पूर्ण समाजका लागि लज्जास्पद चेतावनी हो ।
घरेलु हिंसा अझै पनि “घरभित्रकै कुरा” भन्दै नजर अन्दाज गरिनु, महिलामाथि हुने अपराधलाई मौन स्विकृत दिनु सरह हो । कानुन छ, कार्यान्वयन कमजोर छ । चेतना कार्यक्रम छन्, तर पिडित सम्म पुग्न सकेका छैनन् यस्तो अवस्थामा अपराधपछि मात्र सक्रिय हुने राज्य संयन्त्रले होइन, अपराध हुनुअघि नै रोकथाम गर्ने प्रणाली आवश्यक छ ।
आरोपीलाई प्रहरीले नियन्त्रणमा लिई ज्यान मार्ने उद्योगमा अनुसन्धान अघि बढाउनु सकारात्मक हो । तर, यसले मात्र न्याय पुरा हुँदैन । पिडितलाई उपचार, संरक्षण र न्याय दिलाउने सुनिश्चितता राज्यको पहिलो दायित्व हो ।
समाजले अब प्रश्न गर्नुपर्छ—कहिलेसम्म महिलाले आफ्नै घरभित्र असुरक्षित महसुस गर्नुपर्ने ? मौनता तोड्ने र हिंसाविरुद्ध उभिने समय यहि हो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कुनै पनि हालतमा नेकपा फुट्दैनः मन्त्री श्रेष्ठ
२०७७ कार्तिक २२ गते शनिवार
सरकार झन् बलियो बनेको सुवास नेम्वाङको दावी
२०७७ फाल्गुन १५ गते शनिवार
शिकार खेल्ने क्रममा एक किशोरको मृत्यु
२०७७ माघ ९ गते शुक्रवार
मोटरसाइकलको ठक्करबाट वृद्धाको मृत्यु
२०७७ कार्तिक २५ गते मङ्गलवार