काठमाडौं, साउन ५ –

चीनको खासा क्षेत्रमा अवस्थित केरुङ च्छो हिमताल फुट्न सक्‍ने चेतावनी दिइएको छ । अविरल वर्षासँगै उक्त हिमताल भरिएको र फुटे भोटेकोसी क्षेत्रमा पानीको बहाव बढ्ने भन्दै सचेत हुन जिल्ला प्रशासन कार्यालय सिन्धुपाल्चोकले अनुरोध गरेको छ ।

जिल्ला प्रशासनले सोमबार एक विज्ञप्ति जारी गर्दै भनेको छ, “उक्त पोखरी फुट्‌न गएमा भोटेकोशी नदीमा आकास्मिक बहाव अत्यधिक बढ्न गई नदी किनारमा रहेका भोटेकोशी गाउँपालिका र बाह्रविसे गाउँपालिकालगायतका स्थानीय तहका बजार तथा मानव बस्तीहरुलाई बगाउनसक्ने र ठूलो क्षति पुर्‍याउनसक्‍ने सम्भावना रहेकोकोले उक्त क्षेत्रका सर्वसाधारण, स्थानीय तहहरु लगायतले सतर्कता अपनाउन आवश्यक छ ।”