'
२९ कात्तिक, धनुषा । जनकपुरमा एक महिलामाथि एसिड प्रहार भएको छ ।
जनकपुरधाम उपमहानगरपालिका ७ जानकी नगरका सुवोध साहकी २६ वर्षीया छोरी आरती साहमाथि शनिबार बिहान साढे ९ बजे एक युवकले एसिड प्रहार गरी भागेको स्थानीयवासीको भनाई छ ।
एसिड प्रहार गरेको आरोपमा प्रहरीले उनकै पति जनकपुरधाम उपमहानगरपालिका-२०, देवपुरारुपैठा बस्ने २७ वर्षीय सञ्जीव साहलाई पक्राउ गरेको छ । घटनाको केही घण्टामै उनलाई प्रहरीले पक्राउ गरेको हो ।
एसिड प्रहारबाट आरतीको निधार र छातीको केही भाग जलेको छ । उनको अहिले उपचार जानकी हेल्थकेयरमा भइरहेको छ ।
आरतीको बिहे ३ वर्षअघि सञ्जीवसँग भएको थियो । श्रीमानसँग राम्रो सम्बन्ध नभएका कारण उनी माइतमा बसेर जनकपुरकै पेठिया बजारमा तरकारी व्यवसाय गर्दै आएकी थिइन् । श्रीमान् र श्रीमतीबीच खराब सम्बन्धको कारण एसिड प्रहार गरेको प्रहरीको आशंका छ ।
पक्राउ परेका सञ्जीवलाई केही बेरमा सार्वजनिक गर्ने धनुषाका प्रहरी उपरीक्षक रामेश बस्नेतले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हितकुमारी आमाको हितपूर्ण निर्णय !
२०८० असोज १७ गते बुधवार
रिलायन्स लाइफ इन्स्योरेन्सले माग्यो कर्मचारी
२०७७ पुष १२ गते आइतवार
कक्षा ११ को पाठ्यक्रम अदालती निर्णयको प्रतीक्षामा
२०७७ पुष १३ गते सोमवार
सरकारकै खेलाचीका कारण संक्रमण झन् बढ्यो
२०७७ मङ्सिर २८ गते आइतवार