'
६ माघ, काठमाडौं । त्रिवि शिक्षण अस्पतालको कोभिड आईसीयूमा कार्यरत डाक्टरमाथि कुटपिट भएको छ । आईसीयूमा उपचाररत बिरामीको मृत्यु भएपछि मृतकका आफन्तले डाक्टर सविन भण्डारीमाथि कुटपिट गरेका हुन् ।
शिक्षण अस्पतालका कोभिड संयोजक डाक्टर सन्तकुमार दासका अनुसार मिस कम्युनिकेसनका कुटपिट भएको हो । निमोनियाको बिरामी रहेका उनमा बुटवलमा गरिएको परीक्षणमा रिपोर्ट नेगेटिभ आएको थियो । उनलाई उपचारको क्रममा भाइरल इन्फेक्सनको शंका लागेपछि इन्फ्लुएञ्जाको परीक्षणको लागि टेकुस्थित जनस्वास्थ्य प्रयोगशालामा पठाइएको थियो ।
टेकुमा गरिएको इन्फ्लुएञ्जाको रिपोर्ट पनि नेगेटिभ आएपछि उनको पीसीआर परीक्षण गर्दा रिपोर्ट पोजेजिभ आएको डा. दासले बताए । पीसीआर रिपोर्ट पोजेटिभ आएपछि बिरामीलाई कोभिड आईसीयूमा सारिएको थियो । आईसीयूमा उपचाररत उनको मंगलबार बिहान मृत्यु भएपछि बिरामीको आफन्तले डाक्टरमाथि कुटपिट गरेका हुन् ।
मृतकका आफन्तले बिरामीलाई कोरोना नै नभएको भन्दै ड्युटीमा रहेका डाक्टरलाई कुटपिट गरेको डा. दासले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सभापति देउवाद्वारा माघे सङ्क्रान्तिको शुभकामना
२०७७ माघ १ गते बिहिवार
‘घनिष्ठ मित्र र छिमेकीका नाताले नेपाल–भारतबीच सहकार्य एवं साझेदारी अपरिहार्य’
२०७७ मङ्सिर १२ गते शुक्रवार
कोरोनाका कारण पूर्वसांसद अधिकारीको निधन
२०७८ जेष्ठ ३१ गते सोमवार
आज काठमाडौं उपत्यकामा थपिए ४२९ कोरोना संक्रमित
२०७७ भाद्र १४ गते आइतवार