१३ फागुन, काठमाडौं । आज साताको अन्तिम दिन बिहीबार सेयर बजार परिसूचक दोहोरो अंकले घटेको छ । बढेर सुरु भएको नेपाल स्टक एक्सचेञ्ज (नेप्से) बन्द हुँदा ४४ अंक घटेर दुई हजार ५५४ अंकमा पुगेर रोकिएको हो । परिसूचकसँगै आज कारोबार रकम पनि घटेको छ। यसअघि दैनिक ८ अर्ब रूपैयाँभन्दा बढीको कारोबार हुँदै आएको नेप्सेमा आज जम्मा ६ अर्बको कारोबार भएको छ ।
घटेको बजारमा सबैभन्दा बढी कारोबार नेपाल इन्फ्रास्ट्रक्चर बैंकको भएको छ । बैंकको आज ९० करोड ३५ लाख बराबरको सेयर कारोबार भएको हो । आज यसको सेयर मूल्य भने ५ सय ४३ रुपैयाँ रहेको छ । दोस्रो बढी कारोबार हुनेमा नबिल बैंक रहेको छ । आज सबैभन्दा बढी चन्द्रागिरी हिल्सको ९.९१ प्रतिशतले सेयर मूल्यमा बृद्धि भएको छ ।
