१४ भदौ, काठमाडौं । स्याङ्जामा एम्बुलेन्स दुर्घटना हुँदा दुई जनाको मृत्यु भएको छ ।
काठमाडौंबाट चापाकोट नगरपालिका जाँदै गरेको बा २ झ ४०११ नम्बरको एम्बुलेन्स वालिङ नगरपालिका ५ स्थित चापाकोट जाने सडकमा दुर्घटना भएको हो । दुर्घटनामा दुई जना घाइते भएका छन् ।
काठमाडौंमा बिरामी छोडेर चापाकोटका २८ वर्षीया गर्भवती महिलालाई घर लिएर फर्कने क्रममा एम्बुलेन्स दुर्घटनामा परेको हो ।
दुर्घटनामा चापाकोट- ९ का ३५ वर्षीय भानुभक्त गैरे र २२ वर्षीय श्याम पँगेनीको मृत्यु भएको जिल्ला प्रहरी कार्यालय स्याङ्जाका प्रमुख (एसपी) होविन्द्र बोगटीले जानकारी दिए । उनीहरुको वालिङ अस्पतालमा उपचारको क्रममा मृत्यु भएको हो ।
चापाकोट- ९ कै ३१ वर्षीया पवित्रा गैरे र २५ वर्षीय एम्बुलेन्स चालक सुरेन्द्र भण्डारी घाइते भएका छन् । उनीहरुलाई उपचारका लागि पोखरा पठाइएको छ ।
दुर्घटनाको कारण नखुलेको र अनुसन्धान भइरहेको प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पर्वतको एउटै गाउँमा सुन्तला बिक्रीबाट डेढ करोड भित्रियो
२०७७ माघ १६ गते शुक्रवार
श्रीलङ्का लगेर बन्धक बनाउने महिला जेल चलान
२०७८ साउन १८ गते सोमवार
भोकमरीको सूचीमा नेपाल ७३औं स्थानमा
२०७७ कार्तिक १ गते शनिवार
हालसम्म सुरक्षित ताप्लेजुङमा कोरोनाको जोखिम बढ्यो
२०७७ असोज ८ गते बिहिवार