एनएमबि न्युज डेक्स,काठमाडौँ
फागुन–३ बिहिबार ।
अमेरिका लैजाने भन्दै भारतीयलाई काठमाडौंमा बन्धक बनाउने ९ जनालाई प्रहरीले पक्राउ गरेको छ।
जिल्ला प्रहरी परिसरले आज पत्रकार सम्मेलन गरी गिरोहका संलग्न ९ जनालाई सार्वजनिक गरेको हो।
पक्राउ पर्नेमध्ये १ जना नेपाली र ८ जना भारतीय नागरिक रहेको काठमाडौं प्रहरी परिसरका प्रमुख एसएसपी भूपेन्द्र खत्रीले जानकारी दिए।
उनीहरूले काठमाडौंको रातो पुलस्थित एक घरमा १४ जना भारतीयलाई बन्धक बनाएर राखेका थिए।
एसएसपी खत्रीका अनुसार त्यहाँ उनीहरूलाई कसैले सोधे सिरक डसना बनाउने काम गर्न आएको भन्न लगाइएको थियो। बन्धक बनाइएकाहरूलाई शारीरिक यातना समेत दिने गरेको प्रहरीले फेला पारेको छ। उनीहरूलाई पिट्नका लागि गिरोहले राखेको पाइपको लठ्ठी प्रहरीले बरामद गरेको छ। गिरोहले केही व्यक्तिहरूलाई १४ दिनदेखि र कोहीलाई एकरदुई दिनअघि मात्रै ल्याएको एसएसपी खत्रीले जानकारी दिएको। बन्धक राख्न गिरोहले मासिक ७५ हजार लिएर उक्त घर भाडामा लिएका थिए।
उनीहरूको साथबाट विभिन्न देशका मुद्राहरू पनि बरामद गरिएको छ। प्रहरीले ‘अपरेशन डंकी’ चलाएर बन्धक बनाउने गिरोहलाई पक्राउ गरेको हो।
पक्राउ गरेकाहरूविरूद्ध शरीर बन्धक कसुरमा पाँच दिनको म्याद थप गरी अनुसन्धान अगाडि बढाइएको एसएसपी खत्रीले जानकारी दिए।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दार्चुला प्रशासनले भारतीय पक्षसँग जानकारी माग्यो
२०७८ साउन १६ गते शनिवार
गाडीको हेडलाइट बालेको भन्दै कुटिए गाउँपालिका अध्यक्ष
२०८० माघ ७ गते आइतवार
कोभिड-१९ विरुद्धको खोप अभियानः आज १२ हजारलाई लगाइने
२०७७ माघ १४ गते बुधवार
विप्लव नेतृत्वको नेकपाका नेता धर्मेन्द्र बाँस्तोला रिहा भएलगत्तै पक्राउ
२०७७ माघ २२ गते बिहिवार