निर्वाचनको कार्यतालिका सार्वजनिक भइसकेको छ । समानुपातिकतर्फको नामावली समेत निर्वाचन आयोगमा पेश भइसकेसँगै देश अब औपचारिक रूपमा चुनावी वातावरणतर्फ प्रवेश गरेको छ । यस्तो अवस्थामा सरकारको ध्यान सत्ता जोगाइरहने रणनीतिमा सीमित नभई, लोकतान्त्रिक प्रक्रिया सहज रूपमा अघि बढाउँदै निर्वाचित सरकारलाई जिम्मेवारी हस्तान्तरण गर्ने दिशामा केन्द्रित हुनुपर्छ ।
गृहमन्त्री ओमप्रकाश अर्यालले व्यक्त गरेझैँ, समयमै निर्वाचन सम्पन्न हुन नसके देश थप अस्थिरतातर्फ धकेलिन सक्छ । राजनीतिक अन्योल र अस्थिरताले शासन प्रणालीप्रति जनविश्वास कमजोर बनाउँछ, जसको असर राज्यका सबै संरचनामा पर्न जान्छ । त्यसैले सत्ता निरन्तरताभन्दा पनि प्रणालीको निरन्तरतामा जोड दिनु आजको आवश्यकता हो ।
सुशासनको मूल आधार नै आवधिक निर्वाचन हो । जनताबाट ताजा जनादेश प्राप्त सरकार मात्रै नीतिगत निर्णयमा दृढ हुन सक्छ, विकास र सुशासनका एजेन्डालाई प्रभावकारी रूपमा अघि बढाउन सक्छ । अस्थायी व्यवस्थाले होइन, जनताको मतले स्थापित सरकारबाट मात्रै राजनीतिक स्थायित्व सम्भव हुन्छ ।
यस सन्दर्भमा सबै राजनीतिक शक्ति, राज्य संयन्त्र र सरोकारवाला निकायहरूले लोकतान्त्रिक मूल्यलाई आत्मसात् गर्दै निष्पक्ष, स्वतन्त्र र विश्वसनीय निर्वाचन सुनिश्चित गर्न साझा प्रतिबद्धता जनाउनु आजको अपरिहार्य आवश्यकता बनेको छ । लोकतन्त्रको भविष्य सुरक्षित राख्ने बाटो यही हो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडाैं उपत्यकामा थपिए कोरोनाका १०६ नयाँ संक्रमित
२०७७ साउन २३ गते शुक्रवार
दुई प्रहरीको हत्याका अनुत्तरित प्रश्न : त्यही दिन किन गएन सशस्त्रको गस्ती ?
२०७७ कार्तिक ६ गते बिहिवार
ललितपुरको नख्खुमा एकाबिहानै कलेज हिँडेकी छात्राको गाडीको ठक्करबाट मृत्यु
२०७७ फाल्गुन १९ गते बुधवार
भालुको पित्तसहित एक जना पक्राउ
२०७७ फाल्गुन २ गते आइतवार