राष्ट्रिय स्वतन्त्र पार्टी (रास्वपा) ले आज दिउँसो १ बजे राष्ट्रियसभा गृहमा बृहत्तर एकता घोषणा सभा आयोजना गर्दैछ। वैकल्पिक राजनीतिलाई सशक्त बनाउने उद्देश्यसहित आयोजना गरिएको यस सभामार्फत काठमाडौँ महानगरपालिकाका मेयर बालेन्द्र शाह (बालेन) तथा कुलमान घिसिङको नेतृत्वमा रहेको उज्यालो नेपाल पार्टीसहित अन्य विभिन्न समूहसँगको एकता औपचारिक रूपमा घोषणा गरिने रास्वपाले जनाएको छ।
राजनीतिक रूपले महत्वपूर्ण मानिएको यस एकता सभालाई परम्परागत दल संरचनाभन्दा बाहिर उभिएर नयाँ सोच र कार्यशैलीको सुरुवातका रूपमा हेरिएको छ। हालसम्म फरक–फरक पहिचान र भूमिकामा सक्रिय रहँदै आएका व्यक्तित्व तथा समूहहरू एउटै राजनीतिक यात्रामा समेटिनु नेपाली राजनीतिमा नयाँ सन्देशका रूपमा आएको छ।
सभामार्फत रास्वपाले आगामी राजनीतिक कार्यदिशा पनि सार्वजनिक गर्ने जनाएको छ। सुशासन, पारदर्शिता, जवाफदेहिता र नागरिक केन्द्रित राजनीतिलाई प्राथमिकता दिने संकेत यसअघि नै दिइसकेको रास्वपाले अब एकतामार्फत संगठनात्मक र वैचारिक रूपमा आफूलाई थप मजबुत बनाउने प्रयास गरिरहेको देखिन्छ।
विशेषतः बालेन्द्र शाह र कुलमान घिसिङ जस्ता लोकप्रिय तथा कार्यसम्पादनबाट पहिचान बनाएका व्यक्तित्वहरूसँगको एकताले रास्वपाको राजनीतिक प्रभावक्षेत्र विस्तार हुने अपेक्षा गरिएको छ। यसले परम्परागत राजनीतिप्रति असन्तुष्ट मतदातालाई आकर्षित गर्ने सम्भावनासमेत बोकेको छ।
आजको एकता घोषणा सभा केवल औपचारिक कार्यक्रम मात्र नभई, आगामी दिनमा नेपाली राजनीतिले कुन दिशातर्फ मोड लिन्छ भन्ने संकेत गर्ने महत्वपूर्ण राजनीतिक घटनाका रूपमा हेरिएको छ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
जाजरकोटमा एक हजार ७६ सुत्केरी त्रिपालमुनि बस्न बाध्य
२०८० मङ्सिर १२ गते मङ्गलवार
चिसो मौसममा हरेक समस्याको औषधिः अलैँची
२०७७ पुष १८ गते शनिवार
नेपालमा थप ५,३१६ जनामा कोरोना संक्रमण पुष्टि, १०१ जनाको मृत्यु
२०७८ जेष्ठ १९ गते बुधवार
उदयपुरमा कोरोनाबाट दुई छोरा र आमाको मृत्यु
२०७८ जेष्ठ २० गते बिहिवार