नेपाली कांग्रेसका सभापति शेरबहादुर देउवाले भदौ २४ गते आफू लक्षित आक्रमणको प्रसंग उठाउँदै देशको राजनीतिक र सुरक्षा अवस्थाप्रति गम्भीर प्रश्न खडा गरेका छन्। उनका अनुसार उक्त दिन भएको घटनामा जेन–जी आन्दोलनको आवरणमा घुसपैठ गरेका तत्वहरूले हिंसात्मक रूप लिँदा स्थिति नियन्त्रण बाहिर गएको थियो । सोही क्रममा नेपाली सेनाको सक्रियताले आफू जोगिन सफल भएको दाबी उनले गरेका छन्।
देउवाको भनाइ अनुसार, उद्धारका लागि आएको सेनाको हेलिकप्टरलाई समेत अवतरण गर्न नदिने प्रयास भएको थियो, जुन राज्यविरोधी मानसिकताको स्पष्ट संकेत हो। आन्दोलनको नाममा अराजकता फैलाउने समूहहरूले सुरक्षाकर्मीलाई समेत चुनौती दिनु लोकतान्त्रिक मूल्य–मान्यतामाथिको प्रहार भएको उनले बताएका छन्।
उनको दाबीअनुसार, उक्त आन्दोलनमा सबैभन्दा बढी आक्रमण नेपाली कांग्रेसमाथि केन्द्रित थियो भने त्यसपछि एमाले लक्षित घटनाहरू भएका थिए। यसले आन्दोलनको वास्तविक उद्देश्यप्रति गम्भीर शंका उत्पन्न गराएको उनको भनाइ छ।
राजनीतिक असहमति लोकतन्त्रको सुन्दर पक्ष भए पनि हिंसा, घुसपैठ र अराजकता कुनै पनि हालतमा स्वीकार्य हुन नसक्ने देउवाको चेतावनी छ। राज्य संयन्त्र, राजनीतिक दल र नागरिक समाजले यस्ता घटनाबाट पाठ सिक्दै शान्ति, संवाद र विधिको शासनलाई प्राथमिकता दिनुपर्ने बेला आएको छ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बाढीका कारण मेलम्चीका १८ परिवार विस्थापित
२०७८ साउन २० गते बुधवार
बँदेलले आक्रमण गर्दा एक जनाको घटनास्थलमा नै मृत्यु
२०७८ बैशाख १८ गते शनिवार
तीन लाख ११ हजारले डाउनलोड गरे ‘नागरिक एप’
२०७७ माघ ७ गते बुधवार
एनभीए भलिबल च्याम्पियनसिप असोजमा
२०७८ भाद्र ९ गते बुधवार